小凤 1941 f

崇明镇的一个故事 2014/02/20

language variety: 上海小片 Shànghǎi太湖片 Tàihú吳語 Wú漢語系 Sinitic漢藏語系 Sino-Tibetan

location: 崇明县 Chóngmíngxiàn上海市 Shànghǎi City

uploaded by: kellen 2014/02/20

0:00.00

default

ipa

mandarin

roman

english

乃就可以了，对伐？（对）有家人家寻着个乌新妇，乃末伊特（其）其個
公嘞婆啊，气来呒处囔末，要告诉伊特（其）其個爷嘞娘去，对伐？
乃末伊话：亲家母告诉尔，叫尔特丫头买买盐末，存勒街路浪涎嘞涎；
亲家母告诉尔，叫尔特丫头买买油末，存勒街路浪游嘞游；
亲家母告诉尔，叫尔特丫头匼匼柴末，连路叫别人爷；
亲家母告诉尔，叫尔特丫头扚扚葱末，连路叫别人公；
亲家母告诉尔，叫尔特丫头纺纺纱末，定子头浪画一朵花；
亲家母告诉尔，叫尔特丫头织织布末，布机床里舂堆恶（污）；
亲家母告诉尔，叫尔特丫头淘淘米末，存勒水桥头浪厾烂泥；（箇只）
（就实其，对伐？）有个乌女婿末，伊要到丈人勒港去了，乃末伊特其娘末，要教好伊，
（咦唉）尔姓何（哈）？慢点伊话啋（出来）吾弗晓得個，对伐？
乃末伊特其娘教好了，尔覅（奥）忘记脱仔，脱尔做个圆子囥勒袋袋里。
何（哈）人问尔姓何（哈）末，话啋（出来）吾姓袁，乃末伊话“噢”，乃末伊又想想
晓得了。一里跑末摸摸圆子吾姓袁，摸摸圆子末姓袁。乃末跑末跑勒半路浪合扑啦一跤，拿个圆子跌来扁脱特，
乃跑到浙江末，伊特丈人特问伊“尔姓何（哈）？”，伊话：“吾姓扁”。嘿嘿。
（哎,尔脚节头浪其何(哈)呀？拨我看看，嗯）到丈人港去末，
伊特其娘叮嘱伊，吃小菜挺子末呒处瞎吃個，蠢個。覅(奥）砰砰对直搛来吃。实其，
乃末吾脱尔脚浪牵条绳，乃末打其猫洞里镶了箇边仔末，伊话：
“吾吊一记末”，伊话：“尔搛一筷吃吃，吾吊一记末尔搛一筷吃吃”。乃末倒蛮好，其乌女婿话“噢”。
乃去了末，吃点心了末，乃伊吊一记末搛一筷。
吃之前吊一吊末搛一筷。乃箇辰光倒话一只鸡跑过去末，（正好）叭叭扑勒其個
脚股郎缠了箇条绳浪，乃箇只鸡叭叭叭对直扑末，伊就对直搛来吃呀。（嗯）
（嗯嘿嘿）来络勿及搛，乃末伊还嘴巴里话了：“鸡脚绊来吃勿及，鸡脚绊来吃勿及”。（哈哈哈）
（哈哈，好笑得来。还有一个乌女婿了）还有一个了，还有一个乌女婿末伊话，
伊特其娘叮嘱伊，撒za尿撒恶wu弗好瞎撒個，要撒在马桶里個。前头咸马桶個，对勿啦？（嗯）
乃末伊话啰：”尔（跑）到丈人港挺仔呒处瞎撒去個，撒尿撒恶乱撒呒来事個，要撒勒马桶里“。乃末伊话：“噢”。
乃一天工夫，真到丈人港去特。倒跑到半路浪笃话要撒屁了喏，急得来呒处特。乃想息息憦慒，乃囔呀？
急得来回转，回转末也好迅路。乃末硬熬硬熬伊就回转，回转跑末跑着一个沟头末，砰一跨末一个屁也撒脱了喏。
乃末亲爷娘皇天，乃囔呀？娘叮嘱個哇，要撒勒马桶里哇。天色冷来交关然，脱脱仔一点衣裳就
箇沟里摸呀（嗯，摸箇只屁？）摸其屁去特。乃末多话人看见末，哟，其个人天色冷得来，其存勒
其里摸何（哈），咸问伊末，伊话：”尔落脱何物事？“ ”吾落脱屁，呒得何。“
乃末伊，弗晓得伊乌呀，对勿啦？（嗯）人家想”哟，伊特肯定落脱值铜钿货色，或者金戒子或者总归何。“ 
大家就脱脱仔衣裳，就
笑特，问问伊：”尔摸着何里哇？“ ”吾摸着个屁“伊话。（嘿嘿，嘿呵呵）
好特，伊话就落脱一个屁呐。（哈哈，好哟喂）多话人上伊当喏，冻得来冷得来，要勿要嗨，屁朆宁摸着。（嘿嘿，哈哈哈）

Comments

沙里话崇启海方言2014
崇明老太七十二岁声音听起来很年轻。大部分发音很纯正，极少数音可能受上海话影响了。如“好笑得来”、“急得来”、“冷得来、冻得来”这种表达习惯不是崇明话老派说法，一般是“好笑来啰，急来啰，冷来啰，冻来啰”这种说法。不过现在也混用，但崇明岛外“x得来”句式较少。

沙里话崇启海方言2014
崇明白话“乌新妇、乌女婿”故事很多，可以让老人多整理些讲讲录下来，蛮有意思。

赵静辉2014
我启东的，我外公也给我讲过乌女婿的故事。

wwwalyt2014
其中一句话，普通话意思是，圆子摔的扁掉了。想起了我以前死去的外婆了，5555555555

Cite this recording

In order to cite the website in full, please see the citation page. To cite only this recording, please use the following:

Harvard

Xiǎo Fèng 小凤. 2014. 崇明镇的一个故事 [Chóngmíng Zhèn De Yí Gè Gùshì]. In: Van Dam, Kellen Parker; Hansen, Steve; Qi, Jiayao (Eds). Phonemica. accessed 2024/04/19

bibtex

@incollection{xyy2014chongmingzhendeyigegushi,
  author = {Xiǎo Fèng 小凤},
  booktitle = {乡音苑 Phonemica},
  editor = {van Dam, {Kellen Parker} and Hansen, Steve and Qi, Jiayao},
  publisher = {Phonemica},
  title = {崇明镇的一个故事 Chóngmíng Zhèn De Yí Gè Gùshì},
  URL = {https://phonemica.net/x/543746312bd553930782ab1c/0},
  note = {accessed 2024/04/19},
  year = {2014}
}